I Bankçılıq Forumu

1977-ci ildə Azərbaycan Dövlət İqtisad Universitetinin “Mühasibat uçotu” fakultəsinə daxil olmuş və 1981-ci ildə “İqtisadçı” ixtisası üzrə tam kursu bitirmişdir.

Əmək fəaliyyətini 1981-ci ildən Azərbaycan Respublikası Rabitə Nazirliyində, “Nəzarət-Təftiş” İdarəsində aparıcı mühasib kimi başlamışdır.

1981-1983-cü illərdə Hərbi xidmətdə olmuşdur. Hərbi xidməti  başa vurduqdan sonra 1983-cü ilin iyul ayından etibarən 1989-cu ilin yanvar ayınadək, Azərbaycan Respublikası Rabitə Nazirliyinin “Nəzarət-Təftiş” İdarəsində mühasib-revizor, Baş təftişçi və Baş mühasibin müavini kimi fəaliyyət göstərmişdir. 1989-cu ildən AR Rabitə Nazirliyinin “Rayon Rabitəsi” İstehsalat Birliyinə “Nəzarət və mühasibat uçotu” şöbəsinin rəisi vəzifəsinə təyin edilmişdir.

1993-1998-ci illərdə “Rabitəbank” SKB-nın İdarə Heyətinin Sədri vəzifəsində çalışmışdır və 1998-ci ildən hal-hazıradək “Rabitəbank” ASC-nin Müşahidə Şurasının Sədri vəzifəsində çalışır.

1996-cı ildə “Azərbaycan Banklar Assosiasiyası”nın Prezidenti vəzifəsinə seçilmiş və 2006-cı ilə qədər həmin vəzifədə çalışmışdır. 2006-cı ildən 2015-ci ilədək “Azərbaycan Banklar Assosiasiyası”nın Rəyasət Heyətinin üzvü olmuşdur. 2015-ci ildən yenidən “Azərbaycan Banklar Assosiasiyası”nın Prezidenti vəzifəsinə seçilmişdir.

Bora Tamer Yılmaz əmək fəaliyyətinə 2007-ci ildə satınalmalar, ortaqlıqlar və özəlləşdirmələr üzrə Bank Avstriyanın M&A analitiki vəzifəsində başlayıb.

2010-cu ildə “Halk Yatırım”a tədqiqat analitiki kimi qoşulmuşdur. 2013-cü ildə “Ziraat Maliyyə Qrupu”nda işləməyə başlamışdır.

İqtisadiyyatda beynəlxalq trendləri izləyən Yılmaz diplomatik, sosial və siyasi proseslərin bazar təsirlərini araşdırır və tədqiqatları yerli və beynəlxalq matbuatda öz əksini tapır.

Hal-hazırda Boğaziçi Universitetində magistr təhsili alır.

Bernd Leidner kiçik və orta müəssisələrdə  maliyyə üzrə mütəxəssisdir.

Layihələrin tərtibatı, idarə olunması və müəssislərin kredit zəmanət fondlarının qiymətləndirilməsi üzrə fəaliyət göstərir.

 Əfqanıstan, Tacikistan, Livan, Mərakeş, İordaniya, Fələstin va Madaqasqar kimi müxtəlif ölkələrdə çalışmışdır. Bernd Leidner Almaniya,Əfqanıstan və Tacikistanda 50-dən  çox heyət üzvünə malik olan və 6 şirkətin birləşməsindən yaranan LANDT qrupunun iki rəhbərindən biridir. Qrupa Əfqanıstan Kredit Zəmanət Fondu (ACGF) və Tacikistan Kredit Zəmanət Fondu (CGFT) daxildir.

Bu fondlar kiçik və orta müəssisələr üçün kredit zəmanəti təmin edir, Tacikistan və Əfqanıstanda özlərinin ortaq müəssisələri üçün hərtərəfli texniki yardım paketləri təmin edir. Sözügedən Kredit Zəmanəti Fondları yerli konsultasiya şirkətləri tərəfindən dəstəklənir və hər iki ölkədə maliyyə sektorunun inkişafına töhvələr verir.

LANDT sürəttlə inkişaf edən qrupdur və gələcəkdə digər ölkələrdə də  əhatəsini genişləndirəcəkdir.

Kristof Franzen "Trüb Trading" (TTIAG) şirkətinin rəhbəridir. İsveçrə şirkəti olan TTIAG dövlət və maliyyə qurumlarının təhlükəsiz identifikasiya sistemlərilə təmin olunmasını həyata keçirir.

TTIAG Azərbaycanın yeni ePassport sisteminin vəgələcəkdə həyata keçirilməsi nəzərdə tutulan Eid sisteminin reallaşdırılması üzrə müqavilə ortağıdır.

O, TTIAG-a qoşulmazdan öncə yüksək texnologiya şirkətlərinin rəhbəri və icracı direktoru vəzifələrində çalışıb. Texnologiya sistemlərinin inkişafının təmin olunmasını həyata keçirən bu şirkətlərdən  biri dünya üzrə dövlət və bələdiyyə idarələrində real vaxtda maliyyə əməliyyatlarının yerinə yetirilməsi sisteminin əsasını qoymuşdur.

Erhan Cetinkaya 2005-ci ildən başlayaraq Türkiyədə Bankçılıq Tənzimlənməsi və Nəzarəti Agentliyində (BTNA) işləməkdədir. Auditor kimi fəaliyyətə başlayan E. Çetinkaya sonradan risk menecment üzrə ixtisaslaşmışdır.

2015-ci ildən isə BTNA-da Risk Departamentinin rəhbəri vəzifəsini icra etməkdədir. Bilkent Universitetində (Ankara) mühəndislik üzrə dərəcə aldıqdan sonra Duke Universitetində Fuqua Biznes Məktəbində MBA təhsilinə yiyələnmişdir. 

E. Çetinkaya “Certified Financial Analyst” (CFA) və “Financial Risk Manager” (FRM) sektifikatlarına sahibdir. Onun ixtisası əsasən beynəlxalq bank tənzimlənməsi, Bazel 2-3 standardlarının tətbiqi və daxili riskin ölçülməsi modellərini əhatə edir.

Fərid Əzizağa oğlu Vəliyev, 2007 -ci ildən Azərbaycan Respublikası Mərkəzi Bankında çalışır. 2014-cü ildən etibarən Ödəniş sistemləri və hesablaşmalar departamentinin Hökumət Ödəniş Portalının təminatı şöbəsinin rəisidir.

Bakı Dövlət Universitetinin tətbiqi riyaziyyat üzrə bakalavr İqtisadi fəaliyyətin riyazi və informasiya təminatı ixtisası üzrə magistr ali təhsili almışdır.

Ödəniş sistemləri sahəsində bir çox layhiələrin iştirakçısıdır.

Kəmalə Qurbanova Rafiq qızı, 1988–ci ildən Mərkəzi Bankda çalışır. 2005-ci ildən ödəniş sistemləri və hesablaşmalar departamentinin direktorudur. Ödəniş sistemləri sahəsində həyata keçirilən bir çox layihələrə rəhbərlik edib.

Azərbaycan Dövlət İqtisad Universitetində və İngiltərənin Wales Universitetində (University of Wales)  MBA proqramı üzrə ali təhsil almışdır. 2012-ci ildə Azərbaycan Respublikasında bank işinin inkişaf etdirilməsindəki xidmətlərinə görə “Tərəqqi” medalı ilə təltif olunmuşdur.

Mert Öncü 1992-ci ildə İstanbul Texniki Universitetində Elektronika və Telekommunikasiyalar Mühəndisliyi fakültəsini bitirmiş və sonradan 1994-cü ildə DePaul Universitetində MBA üzrə təhsilini başa vurmuşdur. Doktorantura təhsilini isə 2001-ci ildə Marmara Universitetində almışdır. 1994-cü ildə Çikaqo Ticarət Birjasında könüllü kimi fəaliyyət göstərmiş və həmin ildə də “Koçbank”da  Xəzinədarlıq şöbəsində baş diler və şöbə müdiri vəzifələrində çalışmışdır.

2003-2006- cı illar arasında pul va foreks bazarı meneceri kimi faaliyyat göstarmişdir. 2006-cı ildə “Yapı Kredi”də Pul və Foreks bazarlarının rəhbəri vəzifəsində işləmiş, eyni zamanda Xəzinədarlıq üzrə baş direktorun köməkçisi olmuşdur. 2011-ci ildən etibarən İcra Komitəsinin üzvü kimi fəaliyyət göstərir.

Nabeel 2004-cü ildə “ProgressSoft Korporasiyası”na Biznes Proseslərinin İdarəedilməsi koman- dasında proqram təminatı mütəxəssisi kimi qoşulmuş və 2006-cı ilə qədər Qatarda Ailə İşləri Şurasında və məhkəmələrdə PS-BPM sisteminin tətbiqini həyata keçirmişdir.

Daha sonra yenidən “ProgressSoft”un “Avtomatlaşdırılmış Klirinq Palatası”nda baş texnoloq vəzifəsində işləməyə başlamış və 2007-2010- cu illərdə PS-ACH Switch sisteminin dizayn və arxitekturasına öz töhvəsini vermişdir.

PS-ACH Switch sistemi ilk dəfə 2009-cu ildə Qatarda Mərkəzi Bank üçün təsis olunub və Nabeel Qatar Mərkəzi Bankının “Avtomatlaşdırılmış Klirinq Palatası” ilə digər banklar arasındakı inteqrasiya layihələrinin dizaynı və inkişafı ila bağlı məsul şəxs kimi çıxış edib. 2011-ci ildən başlayaraq Nabeel Mobil Ödəmələr komandası ilə işləməyə başlayıb və PS-mPay və PS-mpClear sistemlərinin dizaynı ilə məşğul olub.

Hal-hazırda isə İordaniyada İordaniya Mərkəzi Bankı və Dinarak (Mobil Ödəmələr Xidməti) ilə birlikdə “ProgressSoft”un layihələrinə başçılıq edir, eyni zamanda Misirdə ölkə üzrə Mobil Ödəmə Problemləri üzərində işləyən komandaya başçılıq edir.

Hüquqi təminat idarəsinin rəisi. Maliyyə Bazarlarına Nəzarət Palatası.

Nurlan Babayev maliyyə hüququ və beynəlxalq hüququ üzrə mütəxəssisdir.

Cənab Babayev hüquqşünaslıq üzrə maqistr, maliyyə və kredit ixtisası üzrə isə diplomuna malikdir.

Nurlan Babayevin qanunvericilik layihələrinin hazırlanmasında 10 ilə yaxın təcrübəsi vardır. İlk olaraq 2007-­ci ildə ədliyyə Nazirliyinin Qanunvericilik baş idarəsində əmək fəaliyyətinə başlamış, fəaliyyət göstərdiyi üç il ərzində bir sıra qanunvericilik layihələrinin hazırlanmasında iştirak etmişdir.

Nurlan Babayev həmçinin PL/TMM (pulların leqallasdırılmasına və terrorçuluğun maliyyələşdirilməsinə qarşı mübarizə) üzrə  Avropa Şurasının qiymətləndirici ekspertdir, Amerika Ekspertlər Assosiasiyasının (ACAMS) üzvüdür. Maliyyə Monitorinqi Xidmətində Hüquq şöbəsinin rəisi kimi fəaliyyət göstərdiyi 6 il ərzində PL/TMM sisteminin qurulmasında, bu sahədə beynəlxalq standartların implementasiyasinda xidmətləri olmuşdur. 2011-2016-cı illərdə Azərbaycanın Avropa Şurasının  MONEYVAL Komitədinfəki nümayəndə heyətinin üzvü olmuş və bir sıra ölkələrin PL/TMM sisteminin qiymətləndirilməsində iştirak etmişdir.

Bank işi və Kredit Risklərinin İdarə olunması üzrə 30 ildən çox təcrübəsi olan Paul Randal hal-hazırda “Creditinfo” şirkətində yüksək səviyyədə Kredit Bürosu və Konsultasiya xidmətlərinin verilməsi üzrə fəaliyyət göstərir. “Creditinfo” İngiltərə, Gürcüstan, Tanzaniya, Keniya, Mərakeş və Ukraynanı əhatə edən bazarlarda Kredit Bürolarının dəstəklənməsi  fəaliyyətini hayata keçirir.

Paul Randal inkişaf etmiş və inteqrasiyada olan kredit mühitinin ehtiyaclarını və gözləntilərini təyin edə bilmə bacarığına malikdir. Bu birdən çox bazar arasında nəticələrin mübadiləsi üçün önəmli faktordur. Azərbaycanın maliyyə sektoru ilə “Creditinfo” arasındakı əlaqələrdə, xüsusilə də, 4 ildən uzun müddət tələb edən Özəl Kredit Bürolarının əsasının qoyulmasında Paul Randal məsul şəxs kimi çıxış edib. Əhalinin əksər hissəsinin kreditlə təmin olunmasında Kredit Bürolarının əsas əlaqələndirici olduğu qurum qismində fəaliyyət göstərən “Creditinfo Gürcüstan”ın İdarə Heyətinin sədri vəzifəsində çalışıb. Birləşmiş Krallığın iki bankında, eləcə də  bank olmayan kredit təşkilatlarında risklərin idarə olunması üzrə yeni metod və prosedurların həyata keçirilməsində fəaliyyət göstərib. Daha sonra Kanada və Cənubi Koreyada qərarların qəbul edilməsi və “Bazel II” sazişinin tələblərinə cavab verilməsi üzrə “Experian” şirkətinin həyata keçirdiyi layihələrdə  Beynəlxaq Müşavir rolunu icra edib.

Qorxmaz Ağayev 2001-ci ildə Bakı Dövlət Universitetinin Hüquq fakültəsini bitirmiş, 2004-cü ildə Mülki və Ticarət hüququ üzrə magistr dərəcəsi və  Maliyyə, informasiya hüququ və inzibati hüquq  üzrə  Fəlsəfə Elmləri Doktoru dərəcəsini almışdır.  Eyni ildə Azərbaycan Respublikasının Prezidenti yanında Dövlət İdarəçilik Akademiyasında mülki hüquq, ticarət hüququ, vergi hüququ və əmək hüququnu tədris etmişdir.

2004-2005-ci ildə “AtaConsulting” şirkətində Hüquq  xidmətləri departamenitin hüquqşünası, 2005-ci ildə həmin departamentin rəhbəri vəzifəsini yerinə yetirmişdir. 2005-2011-ci illərdə “Bank of Baku” ASC –də Korporativ hüquq bölməsinin aparıcı mütəxəssisi, Korporativ hüquq bölməsinin rəhbəri və Hüquq departamentinin direktoru kimi müxtəlif vəzifələrdə çalışmışdır.

2011-2013-də “CLC” hüquq firmasında idarəçi partnyor kimi çalışmış, 2013-2017-ci illərdə “Ata Bank”ASC -də İdarə Heyəti sədrinin hüquq məsləhətçisi, risklərin idarə edilməsi komitəsinin üzvü kimi müxtəlif vəzifələri yerinə yetirmişdir.2015-2016-cı illərdə “Caspian Development Bank”ın, 2016-2018-ci illərdə isə “Bank VTB”( Azərbaycan) ASC-nin Müşahidə Şurasının üzvü olmuşdur.

 2013-cü ildən bəri “Medlex” hüquq firmasında idarəçi partnyordur. Q. Ağayev həmçinin “Ata Holding” ASC-nin Hüquq Departamentinin direktoru, “Azerbaijan Global Investments şirkətində hüquq məsləhətçisi və Monteneqro Respublikasının bankı  “Nova Banka”nın Müşahidə Şurasının üzvüdür.

Qorxmaz Ağayev ölkəmizin qeyri-neft sektorunda Azərbaycandan  kənarda ən böyük layihəsi “Portonovi resort&spa”nın  hüquq məsləhətçisidir. O, Vəkillər Kollegiyasının, Azərbaycan Risk Peşəkarları Assosiasiyasının İdarə Heyətinin  üzvü və Azərbaycan Banklar Assosiasiyasının nəzdində fəaliyyət göstərən Hüquqi məsələlər üzrə Ekspert Qrupunun sədridir.

Uğur Levent Özcoşkun 1984-cü ildə Marmara Universitetinin Dövlət İdarəetmasi/Beynəlxalq Münasibətlər Fakültəsindən məzun olub. Hazırda Türkiyə Banklar Birliyində “İnternet Bankçılığı” Komitəsinin sədridir.

Həmçinin Türkiyənin “Yapı Kredi Bankası”nda Daxili Nəzarət APK sui-istifadələrinin Qarşısının Alınması şöbəsinin rəhbəridir. Bundan  əlavə, Uğur Levent Özcoşkun “İnformasiya Təhlükəsizliyi” mövzusunda təlimlər keçir.

2006 – 2013-cü illərdə Azərbaycan Respublikasının Mərkəzi Bankının Daxili Audit departamentində İT üzrə böyük auditor və şöbə rəisi vəzifələrində çalışmışdır.

2013-cü ildən ölkənin bir çox təşkilatlarında, kommersiya banklarında, telekommunikasiya və sənaye müəssisələrində informasiya texnologiyaları üzrə beynəlxalq standartların tətbiqi, informasiya/kiber təhlükəsizliyinin qiymətləndirilməsi və nəzarətlərinin gücləndirilməsi üzrə layihələrə rəhbərlik etmişdir.

Əməliyyat risklərinin kompleks auditinin aparılması və təkmilləşdirilməsi üzrə kamillik modellərinin qurulmasının həyata keçirmişdir. 2017-ci ildən Prima Konsaltinq şirkətinin İdarəçilik və İnformasiya Təhlükəsizliyi üzrə təcrübə rəhbəridir.

2006-cı ildən Beynəlxalq ISACA-USA assosasiyasının üzvüdür.

1981-ci ildə İserlohnda anadan olan Renate Anna Stopsak Wulfert-Grundschule orta məktəbində və Friedrich-Leopold- Woeste gimnaziyasında orta təhsilini başa vurub.

2007-ci ildə isə Bonnda Hoch- schule der Sparkassen-Finanzgruppe “University of Applied Sciences”da maliyyə ixtisası üzrə təhsil alıb. 2004-2005- ci illərdə ”Stadtsparkasse Hemer” bankında daxili təftiş vəzifəsində, 2006-cı ildə isə kredit mütəxəssisi vəzifəsində çalışıb.

 2007-ci ildən etibarən korporativ idarəetma sahəsinda işlədiyi “Stadtsparkasse Hemer”də aktivlər və öhdəliklərə nəzarət, likvidlik risklərinin idarə olunması, illik maliyyə hesabatlarının hazırlanması, İdarə Heyətinə və Müşahidə Şurasına hesabatların verilməsi üzrə fəaliyyat göstərir. Korporativ inkişaf, risklərin idarə olunması üzrə müxtəlif seminarlar keçmişdir.

Eynur Babayev 1978-ci ildə anadan olub. 1998-ci ildə Azərbaycan Beynəlxalq Universitetinin Hüquq fakültəsini bitirmişdir. Ədliyyə orqanlarında fəaliyyətinə 2001-ci ildən başlamışdır.

2005-ci ildən Azərbaycan Respublikasının Ədliyyə Nazirliyinin İcra baş idarəsinda məsləhətçi vəzifəsinə təyin olunan E.Babayev hazırda həmin idarədə baş məsləhətçidir. Xüsusi

Rütbəsi - ədliyyə müşaviri. 2011-ci ildə Azərbaycan Respublikası Prezidentinin Sərəncamı ilə “Dövlət qulluğunda fərqlənməyə görə” medalı ilə təltif edilmişdir.

Cavanşir Abdullayev 1982-ci ildə Azərbaycan Xalq Təsərrüfat İnstitutunun maliyyə-kredit fakültəsini (hazırkı Azərbaycan Dövlət İqtisad Universiteti) fərqlənmə diplomu ilə bitirmişdir. O, strateji idarəetmə, İnsan resurslarının idarə edilməsi, risklərin idarə edilməsi və idarəetmənin digər sahələri üzrə Avropanın aparıcı 10-dan çox bankında və digər bizneslərdə 6 aydan çox təcrübə mübadiləsində olmuşdur.

O, iş karyerasına SSRİ bank sisteminin filialında kredit mütəxəssisi kimi başlamış və SSRİ Dövlət Bankının Azərbaycan kontorunda aparıcı müfəttişədək (aparıcı auditor) yüksəlmişdir.

1991-ci ildə Azərbaycan müstəqillik əldə etdikdən sonra C. Abdullayev ilk özəl banklardan biri olan «Azinvestbank» KB-nın İdarə heyətinin sədri olmuş və sonradan irəli çəkilərək, nəzarət paketi Dövlətə məxsus ən böyük bank olan Aqrar-Sənaye Bankının İdarə Heyətinin Sədri olmuşdur.

1992-1993-cü illərdə o, müstəqil Azərbaycanın Mərkəzi Bankının İdarə Heyətinin sədri vəzifəsində işləmişdir.

2000-ci ilin yanvarından, yəni fəaliyyətə başladığı andan Azərbaycan Bank Tədris Mərkəzinə (ABTM) direktor təyin edilən C.Abdullayev qısa bir müddətdə Mərkəzi yaratmış, yüksək peşəkar komandası ilə  onu maliyyələşdirən aparıcı təlim müəssisəsinə çevirmişdir.

ABTM-nin yarandığı dövrdən indiyədək  C. Abdullayev 120-dən artıq məsləhət xidməti layihəsi idarə etmiş, 10-dan artıq beynəlxalq təşkilatla yaxın əməkdaşlıq quraraq, Mərkəzin 30-dan artıq beynəlxalq layihəyə cəlb olunmasına nail olmuş, strateji planlaşma, insan resurslarının idarə edilməsi, biznes proseslərin təşkili, risklərin idarə edilməsi, yumşaq vərdişlər və digər sahələr üzrə 200-dən artiq təlim keçmişdir.