FINTEX SAMMİTİ 2025 - Maliyyə və Texnologiyalar Sərgisi

Namiq Əliyev 1977-ci ildə Bakı şəhərində anadan olub. Bakı Dövlət Universitetinin məzunudur. Tələbə ikən bir sıra dövrü nəşrlərdə çalışıb. 1999-2000-ci illərdə Respublika Elmi Texniki Kitabxanasında, 2001-2003-cü illərdə Azərbaycan Respublikası Mədəniyyət Nazirliyinin Mədəni Maarif Baş İdarəsində aparıcı mütəxəssis vəzifəsində çalışıb. 2004-cü ildən "Azad Azərbaycan" müstəqil Teleradio Yayım Şirkətində  müxbir, aparıcı müxbir, redaktor assistenti, redaktor vəzifəsini daşıyıb.

2010-cu ilin may ayında Azərbaycan Respublikası Mərkəzi Bankının Kommunikasiya departamentində fəaliyyətə başlayıb, 2011-ci ilin iyul ayından həmin departamentin İctimaiyyətlə Əlaqələr şöbəsinin rəisidir. Azərbaycan Televiziya və Radio verilişləri Qapalı Səhmdar Cəmiyyətinin (AZTV) "İqtisadiyyat xəbərləri" verilişinin aparıcısıdır (2019)

7 Aprel 1975-ci il tarixində Azərbaycan Respublikası İmişli rayonunda anadan olmuşdur.

Təhsili

1992-ci ildə ikinci ixtisas qrupu üzrə ən yüksək balla Azərbaycan Dövlət İqtisad Universitetinə qəbul olmuş, 1997-ci ildə ali təhsilini bitirmiş, 2004-cü ildə Gürcüstan İctimai əlaqələr Institutunda Jurnalistika ixtisası üzrə ikinci ali təhsili almışdır. 2009-cu ildə iqtisad üzrə fəlsəfə doktoru və 2017-ci ildə isə iqtisad elmləri doktoru alimlik dərəcəsini müdafiə etmişdir. O, 2021-ci ildə Harvard Universitetinin Kennedi İdarəçilik Məktəbində "İqtisadi artımın idarəedilməsi" mövzusunda xüsusi proqram çərçivəsində təhsil almışdır. 2013-cü ildə Vüsal Qasımlıya dosent elmi adı verilmişdir.

2010-2014-cü illərdə V.Qasımlı UNEC-də Xüsusi İstedadlar Qrupu və MBA proqramı üzrə pedaqoji fəaliyyətlə məşğul olub.

V.Qasımlı Vaşinqton Universiteti, Kaliforniya Universiteti, Qahirə Amerika Univeristeti, Varşava Universiteti, Seulun Hanyan və Hankuk universitetləri və Rio-de-Janeyro Universitetində ictimai mühazirələr oxumuşdur.

2013-cü ildə Koreya Beynəlxalq İqtisadi Siyasət İnstitutunda qonaq alim kimi çalışmışdır.

2021-ci ildən Vüsal Qasımlı Prezident yanında Dövlət İdarəçilik Akademiyasında professor (0,5 ştat) vəzifəsində çalışır.

Onun Azərbaycan, rus, koreya və ingilis dillərində 10 kitabı və 500-ə qədər elmi və publisistik məqaləsi var.

Əmək fəaliyyəti

12.05.2000-06.12.2003 müddətində Ekspress qəzetinin redaksiyasında iqtisadi məsləhətçi,

15.02.2005-19.11.2005, “ANS-PRESS Nəşriyyat evi” MMC-də iqtisadi icmalçı,

19.11.2005-30.04.2007, “ANS-PRESS Nəşriyyat evi” MMC-də prezident,

09.02.2009-11.05.2011, Azərbaycan-İctimai-Siyasi Universitetində kafedra müdirinin müavini,

2007-2011-ci illərdə Avropa İttifaqı, Dünya Bankı, Yaponiya Beynəlxalq Əməkdaşlıq Təşkilatının (JİCA) və bir sıra beynəlxalq qurumların həyata keçirdiyi layihələrdə çalışmışdır.

2011-2016-cı illərdə Azərbaycan Respublikasının Prezidenti yanında Strateji Araşdırmalar Mərkəzinin İqtisadiyyatın təhlili və qloballaşma məsələləri şöbəsinin müdiri vəzifəsində işləmişdir.

015-ci ildə Böyük İyirmiliyin beyin mərkəzlərinin T20 platformasında Azərbaycanı təmsil etmişdir.

10.05.2016 tarixindən hal-hazıradək Azərbaycan Respublikası İqtisadi İslahatların Təhlili və Kommunikasiya Mərkəzinin icraçı direktorudur.

2018-ci ildə tərəqqi medalı ildə təltif edilmişdir.

Vüsal Qasımlı 2021-ci ildə BMT-nin Asiya və Sakit Okean Komissiyasının milli koordinatoru təyin olunmuşdur.

Ailəlidir, üç övladı var.

1977-ci ildə Azərbaycan Dövlət İqtisad Universitetinin “Mühasibat uçotu” fakultəsinə daxil olmuş və 1981-ci ildə “İqtisadçı” ixtisası üzrə tam kursu bitirmişdir. Əmək fəaliyyətini 1981-ci ildən Azərbaycan Respublikası Rabitə Nazirliyində, “Nəzarət-Təftiş” İdarəsində aparıcı mühasib kimi başlamışdır.

1981-1983-cü illərdə Hərbi xidmətdə olmuşdur. Hərbi xidməti  başa vurduqdan sonra 1983-cü ilin iyul ayından etibarən 1989-cu ilin yanvar ayınadək, Azərbaycan Respublikası Rabitə Nazirliyinin “Nəzarət-Təftiş” İdarəsində mühasib-revizor, Baş təftişçi və Baş mühasibin müavini kimi fəaliyyət göstərmişdir. 1989-cu ildən AR Rabitə Nazirliyinin “Rayon Rabitəsi” İstehsalat Birliyinə “Nəzarət və mühasibat uçotu” şöbəsinin rəisi vəzifəsinə təyin edilmişdir.

1993-1998-ci illərdə “Rabitəbank” SKB-nın İdarə Heyətinin Sədri vəzifəsində çalışmışdır və 1998-ci ildən hal-hazıradək “Rabitəbank” ASC-nin Müşahidə Şurasının Sədri vəzifəsində çalışır.

1996-cı ildə “Azərbaycan Banklar Assosiasiyası”nın Prezidenti vəzifəsinə seçilmiş və 2006-cı ilə qədər həmin vəzifədə çalışmışdır. 2006-cı ildən 2015-ci ilədək “Azərbaycan Banklar Assosiasiyası”nın Rəyasət Heyətinin üzvü olmuşdur. 2015-ci ildən yenidən “Azərbaycan Banklar Assosiasiyası”nın Prezidenti vəzifəsinə seçilmişdir.

Ali təhsilini Azərbaycan Respublikasının Prezidenti yanında Dövlət İdarəçilik Akademiyasında (Bakalavr dərəcəsi (Dövlət idarəçiliyi) 1998-2002 fərqlənmə ilə, Maqistr dərəcəsi (Dövlət idarəçiliyi) 2002-2004 fərqlənmə ilə), Azərbaycan Milli Elmlər Akademiyasının İqtisadiyyat İnstitutunda (İqtisad elmləri namizədi 2005 – 2009 (neft-kimya sənayesi iqtisadiyyatı), Birminqem Biznes Məktəbində, Birminqem Universiteti, Böyük Britaniya (MBA (Biznesin idarə edilməsi) dərəcəsi 2010 – 2011) almışdır.

2002-2021-ci illəri ərzində bank və maliyyə sahələrində müxtəlif dövlət və özəl qurumlarda rəhbər vəzifələrdə çalışmışdır. Hazırda “Azərbaycan Fintex Assosiasiyası” İctimai Birliyinin İdarə Heyətinin sədri vəzifəsində çalışır.

Kristina Doroş Visa-da Baş vitse-prezident və MDB – Çənub-Şərqi Avropa regionunda qrup ölkə meneceri vəzifəsində çalışır.

Kristina Cənub-Şərqi Avropa, Mərkəzi Asiya, Qafqaz, Ukrayna və Moldovanı əhatə edən regionun 17 ölkəsində Visa-nın əməliyyatlarına və strategiyasına rəhbərlik edir.

Hazırkı vəzifə başına keçməzdən öncə Kristina Doroş Mərkəzi Asiya və Azərbaycan üzrə regional menecer olub. Həmin rolda o, söz gedən bazarlarda Visa biznesini idarə edərək əsasən strategiya işlənməsi və icrasına, biznes inkişafına, texnologiyalara və innovasiyalara hədəflənib. Mərkəzi Asiyadakı işdən əvvəl Kristina Visa-da Qafqaz regional klasterinə başçılıq edib.

Pərakəndə bankçılıq, informasiya texnologiyaları, innovasiyalar, kart və mobil ödəmələr sahələrində 25 ildən artıq təcrübəyə malikdir. Kristina Visa-ya 2016 ildə regional məhsullar komandasına rəhbərlik etmək üçün qoşuldu və bu rolda Visa-nın başlıca debit, kredit və premium məhsulları ilə yanaşı loyallıq platformalarının inkişafına, rəqəmsal həllərə və push (ödəyici təşəbbüsü ilə) ödəmələrə cavabdeh idi.  

Kristina IEDC Bled Biznes Məktəbini (Sloveniya) iqtisad üzrə magistr dərəcəsi ilə bitirib.

2013 ildə Visa-ya qoşularaq Nurlan bank sektoru, marketinq və biznesin inkişafı, ödəniş kartları sahələrində əldə etdiyi 9 illik təcrübəsini komandamıza gətirdi. Visa-ya gəlməzdən öncə o, DəmirBankda ödəniş kartları şöbəsinin müdiri qismində ödəniş məhsullarının əkvayrinqi, ödəniş kartları riskləri və rəqəmsal kanalların inkişafına cavabdeh idi. DəmirBankdan əvvəl isə o, UniBank-da marketinq və biznesin inkişafı şöbəsinə rəhbərlik edirdi.

2022 ildən etibarən Nurlan Hacıyev Visa-da Baş direktor və Azərbaycan üzrə ölkə meneceri vəzifəsində çalışır.

Bu rolda Nurlan Azərbaycan bazarında biznesin inkişafı işini davam etdirib, eləcə də yerli komandanın inteqrasiyası və əlaqəli işini təmin edib. Visa-da iş təcrübəsi müddətində Nurlan ilk öncə biznes inkişafı meneceri vəzifəsində çalışaraq 6 il ərzində Visa-nı Azərbaycanda təklikdə təmsil etdi və bununla da komandanın indiki artımının bünövrəsini qoydu. Bütün bu dövr ərzində Nurlan MDB-CŞA komandasının dəyərli üzvü olaraq müştərilərlə güclü əlaqələr qurub, Azərbaycan bazarında biznesin inkişafını, strategiyanın hazırlanması və icrasını istiqamətləndirib. O, Azərbaycan bazarında nişangah və flaqman rolunu oynamış VTS və ApplePay layihələrinin icrasına şəxsən mühüm töhfə verib, Mərkəzi və Şərqi Avropa – Yaxın Şərq – Afrika regionunda ilk B2B Connect layihəsinin və sair müvəffəqiyyətlərin ərsəyə gəlməsində aparıcı rol oynayıb.

Edqar Abdullayev Türkiyənin Yeditepe Üniversitesinin, Biznesin İdarə  Olunması üzrə  Magistr təhsilini almışdır.

On beş illik idarəetmə təcrübəsi vardır. İş həyatının 11 ilini Telekommunikasiya,  2 ilini Nəqliyyat və Turizm sahəsində, 5 ilini isə Bankçılıq və Maliyyə Texnologiyaları sahəsində  işləmişdir. 2008 – 2014-cü illərdə, Azercell Telecom şirkətində Daxil Olan  Müraciətlərin İdarə Olunması Bölümünün Rəhbəri kimi fəaliyyət göstərmişdir.  2014 – 2016 – cı illərdə DOST TAXI MMC-nin Baş İcraçı Direktoru kimi  çalışmışdır. 2016 – 2019-cu ilin əvvəlinə qədər PAŞA Bank ASC-də təşkilati  İnkişaf və Keyfiyyətin Təminatı Departamentinin Direktoru vəzifəsində bir sıra  yeniliklərə imza atmış və bankda boyük dəyişikliyin idarə olunması  komandasının üzvü olmuşdur.

2019-cu ildən 2021-ci ilə  kimi Azerconnect şirkətində, Müştəri və Rəqəmsal  xidmət İdarəsinin Direktoru vəzifəsində, böyük bir komanda ilə uğurlu şəkildə  çalışmışdır. Hal-hazırda United Payment MMC şirkətinin icraçı direktorudur və ölkənin “Rəqəmsal Ödəniş Strategiyasına” öz töhfəsini verməkdədir.

Ramil Mahmudov Azərbaycan Respublikası Mərkəzi Bankının Ödəniş sistemləri və hesablaşmalar departamentinin direktor müavinidir. O, ödəniş sistemləri, elektron bankçılıq, kart biznesi, rəqəmsal ödənişlər üzrə 20 ildən artıq mərkəzi bankçılıq sahəsində təcrübəyə malikdir. Ödəniş təhcizatçıları və Fintech üçün bir sıra qayda və tövsiyələrin həmmüəllifi kimi o, həmçinin ödəniş sistemləri ekosistemi və ödəniş alətləri, həmçinin risklərin idarə edilməsi, fırıldaqçılığın idarə edilməsi, çarcbək qaydaları ilə bağlı beynəlxalq təcrübə ilə də tanışdır.

Cənab Mahmudov Lüksemburq Universitetində Bank işi və Maliyyə, Azərbaycan Dövlət İqtisad Universitetində isə Maliyyə üzrə magistr dərəcəsinə malikdir. O, Nyu York Universitetinin Stern Biznes Məktəbindən İdarəetmə təhsili diplomu və Avropa və Asiyada ödənişlər və idarəetmə sahəsində çoxsaylı təlim sertifikatları alıb.

Teymur Ağakişiyev “AccessBank”da Əməliyyatlar üzrə Baş Direktordur. Karyerası boyu bank sektorunda 16 illik təcrübəsi ərzində məhsulların yaradılması, idarə edilməsi və satışı, strategiyanın planlaması, rəqəmsal ödənişlər, ödəniş və kart infrastrukturu, xəzinədarlıq, hesablaşmalar və nağd vəsaitin idarə edilməsi sahələrində bir çox rəhbər vəzifələrdə çalışıb.

Müştəriləri bütün proseslərin əsas rolunda saxlayır, müştəri problemlərini dərindən araşdırmağı və onları müasir texnologiyalar köməkliyi ilə həll etməyi sevir.

Teymur Ağakişiyev Rusiya Federasiyası Höküməti yanında Maliyyə Universitetinin “Bank Menecmenti” ixtisası üzrə MBA dərəcəsini almışdır.

O, bank işi üzrə peşəkar təlimçidir.

Cavidan Əfəndiyev Azərbaycanın bank və maliyyə ekosistemində, maliyyə və qeyri-maliyyə fırıldaqçılığı ilə mübarizə sahəsində 10 ilə qədər təcrübəyə malik olan Fırıldaqçılıqla Mübarizə üzrə peşəkardır.

Onun karyerasına banklarda, prosessinq mərkəzlərində və Azərbaycan Banklar Assosiasiyasında əsas rollar daxildir və burada fırıldaqçılıqla mübarizə strategiyalarının işlənib hazırlanmasında və həyata keçirilməsində mühüm rol oynamışdır.

Hazırda Cavidan Azərbaycan Beynəlxalq Bankı ASC-də çalışır, əsas diqqəti dələduzluğun qarşısının alınması və risklərin idarə edilməsi proseslərinin təkmilləşdirilməsinə yönəlidir.

Cavidanın əsas təcrübə sahələrinə Fırıldaqçılığın Qarşısının Alınması və Aşkarlanması, Fırıldaqçılıq Riskinin Qiymətləndirilməsi, Fırıldaqlığa Qarşı Həllərin İnteqrasiyası, Fırıldaqçılıq Analitikası, Təlim və Maarifləndirmə, Rəqəmsal Ödəniş Təhlükəsizliyi, Sənayedə Əməkdaşlıq və s. daxildir.

Otabek Nasirov Mərkəzi Asiya Fintex Assosiasiyasının sədri, “Cyber Park” və AICA-nın Ekspert Şurasının, həmçinin Özbəkistan Respublikasının Prezidenti yanında Xarici İnvestorlar Şurasının (FIC) işçi qruplarının üzvüdür.

Otabek Nasirov Mərkəzi Asiyada fintex bazarının və icmasının inkişafında, həmçinin tənzimləyici “qum qutuları”nın və fintex sənayesinin yerli qanunvericiliyinin, o cümlədən blokçeyn texnologiyası sahəsində təhsil, süni intellekt, rəqəmsal aktivlər, kibertəhlükəsizlik və s. konvergent texnologiyaların inkişafında fəal iştirak edir. Özbəkistanın Rəqəmsal Texnologiyalar Nazirliyi, Mərkəzi Bank, Rəqabətin Təşviqi və İstehlakçıların Hüquqlarının Müdafiəsi Komitəsi, Perspektivli Layihələr üzrə Milli Agentlik (NAPP) və Dövlət Vergi Komitəsi kimi əsas dövlət qurumlarında fintex icmasının maraqlarını təmsil və müdafiə edir.

O, “UMAY Angels Club” və “ICLUB by Venture Found TA Ventures”in üzvü olmaqla yanaşı, həm də Özbəkistan Vençur Kapitalı Assosiasiyası (UzVCA), Milli Vençur Kapital Fondu (UzVC) və “AloqaVentures” Vençur Fondu ilə əməkdaşlıq edir.

Bilik və təcrübəsini “Coca-Cola”, “Carlsberg Group”, “General Motors”, “Ernst &

Young”, həmçinin İsveçrənin Şaffhauzen Texnologiya İnstitutunun Beynəlxalq

Tədqiqat İnstitutu çərçivəsində Beynəlxalq Təlim Məktəbi kimi beynəlxalq və

qlobal şirkətlərdə qazanıb.

Daşkənd Dövlət Hüquq İnstitutunun və Moskvanın “Skolkovo” İdarəetmə

Məktəbinin məzunudur.

Otabek “Global Blockchain Business Council” (GBBC) assosiasiyasının və “Chapter Zero Uzbekistan” (İqlim İdarəetmə Təşəbbüsü | İİT) layihəsinin səfiridir.

Hikmet Can Yilmazsoy is the Head of Türkiye, Caucasus and Central Asia at Swift, where he is overseeing the relations and engagements with key stakeholders in the financial ecosystem including central banks, financial institutions, market infrastructures and regulatory bodies. Since joining Swift in 2018, Can served as the Country Manager for Türkiye and Qatar until his current role.

Prior to his tenure at Swift, he led business development and project management activities in cash management, payment systems and digital banking areas with a leading bank in Türkiye. In addition, Can drove high-impact strategic initiatives in the customer experience management, retail banking and corporate finance areas throughout his 16 years of banking career.

He holds an MBA degree from Carnegie Mellon University and a BSc in Industrial Engineering from Bilkent University, with executive education from Columbia University and INSEAD.

Aleksandrın ödəniş sahəsində 20 ildən artıq təcrübəsi var. O, beGateway adlı white-label SaaS platformasını hazırlayan eComCharge şirkətində məhsul inkişafına rəhbərlik edir.

Mirşahbaz Seyidli “AzInTelecom” MMC-də Kommersiya Departamentinin direktor müavini olaraq fəaliyyət göstərir. O, innovasiya, fintech məhsul və xidmətlərinin inkişafı sahəsində geniş peşəkar təcrübəyə malikdir. “SİMA” rəqəmsal həllər platforması və “AZINCLOUD” bulud xidmətləri kimi qabaqcıl layihələrin uğurla həyata keçirilməsində onun strateji yanaşması və idarəetmə bacarıqları əsas rol oynamışdır.

20 illik təcrübəyə malik məhsul marketinqi üzrə mütəxəssis Mete Baydar Samsung Electronics və PlayStation kimi şirkətlərdə rəhbər vəzifələrdə çalışıb. Hal-hazırda o, müəssisələr üçün mobil DevOps avtomatlaşdırmasına fokuslanan Appcircle şirkətində strateji tərəfdaşlıqlara rəhbərlik edir.

Süleyman Akkum data və analitika sahəsində geniş təcrübəyə malik peşəkar rəhbərdir. O, Smarttech şirkətinin İdarə Heyətinin üzvü və Smartmind şirkətinin təsisçisi və baş direktoru kimi fəaliyyət göstərir. 20 ildən artıq peşəkar fəaliyyəti dövründə maliyyə, telekommunikasiya, sığorta, dövlət və səhiyyə sektorları üzrə 100-dən çox uğurlu məlumat anbarı və biznes analitikası layihəsinə rəhbərlik edib.

Süleyman Akkum Ege Universitetində Kompüter mühəndisliyi üzrə bakalavr və Maltepe Universitetində MBA dərəcəsinə malikdir. O, Oracle Data Integrator və Biznes Analitikası üzrə sertifikatlı mütəxəssisdir və Oracle, MSSQL, Power BI və Linux kimi platformalarda yüksək praktiki bilik və bacarığa sahibdir.

Smartmind şirkətində Süleyman Akkum kompleks mənbə sistemlərinin təhlilindən tutmuş miqyaslana bilən arxitekturaların qurulması və yüksək performanslı hesabat sistemlərinin təqdim olunmasına qədər bütün data strategiyalarına rəhbərlik edir. Onun liderlik yanaşması texniki mükəmməlliyə, mentorluğa və biznes yönümlü vizyona əsaslanaraq məlumat əsaslı transformasiyanı dəstəkləyir.

Süleyman məlumatdan dəyər yaratmaq, gələcəyə hazır analitika komandaları qurmaq və təşkilatları ağıllı qərarverməyə yönəltmək ehtirası ilə fəaliyyət göstərir.

Collect Group Holding-in Marketinq üzrə Rəhbəri

Yevgen Lisnyak Visa-da Baş direktor və MDB və Cənub-Şərqi Avropa ölkələrində (toplam 17 bazarda) strateji tərəfdaşlıqlar, fintek və müştərək layihələr idarəsinin müdiri vəzifəsində çalışır. Onun əsas vəzifəsi fintek sahəsinin tez inkişaf edən biznes mühitində Visa üçün potensial tərəfdaşlıqları aşkar edərək, onları dəstəkləyərək və inkişaf etdirərək nağdsız iqtisadiyyatın inkişafına xidmət etməkdir.

Yevgen Visa şirkətinə 2017 ildə İnnovativ həllər şöbəsinin müdiri qismində qoşulub. Bu vəzifədə o, Ukrayna və MDB ölkələrində bir sıra nəqliyyat və “ağıllı şəhər” layihələrini müvəffəqiyyətlə icra edib. Hal-hazırda Yevgen neobankların qurulmasını, mobil operatorların mobil maliyyə xidmətlərini, ənənəvi bankların rəqəmsal məhsullarını, innovativ “devrimçi” fintek şirkətlərini dəstəkləyir, eləcə də əhatə etdiyi 17 bazarda fintek ekosisteminin inkişafına fokuslanır.

Yevgenin bankçılıq, ödəmələr və fintek sahələrində dərin bilik və təcrübəsi sayəsində Visa Ukrayna, Belarus, Gürcüstan, Azərbaycan, Qazaxıstan, Tacikistan, Özbəkistan və sair ölkələrdə böyük sayda fintek şirkətləri ilə strateji tərəfdaşlıqlar yaradıb və onların dəstəyini qazanıb.

Yevgen Lisnyak aparıcı beynəlxalq şirkətlərdə İT və məsləhətçi xidmətlər sahələrində 15 illik zəngin təcrübəyə malikdir. O, Moskva Fizika-Texniki İnstitutundan (MFTİ) tətbiqi fizika və riyaziyyat üzrə magistr dərəcəsinin sahibidir.

Vik Omelçenko Banza şirkətində kommersiya direktoru (CCO) və idarəedici tərəfdaşdır. 20 illik İT təcrübəsinə malik Vik uğurlu lider, vençur investor və startap mentorudur.

Banza 17 ölkədə 200-dən çox əməkdaşı ilə fəaliyyət göstərir və 300-dən artıq biznesin avtomatlaşdırılması layihəsini uğurla başa çatdırıb. Şirkət CRM və BPM sistemləri, həmçinin veb və mobil tətbiqlər üzrə ixtisaslaşıb. Vik no-code texnologiyalar və proses idarəçiliyinin sinerjisi sayəsində bankçılıq, satış, logistika, istehsalat və müştəri xidməti sahələrində bizneslərin sürətlənməsinə və təkmilləşdirilməsinə kömək edir.

O, tədbirdə no-code yanaşmanın müasir bizneslərə necə çeviklik və innovasiya gətirdiyini bölüşəcək.

A. Serdar Karadayı (d. 1978) 2001-ci ildə İstanbul Universitetinin İngilis dili ilə Tədris olunan Biznesin İdarəolunması ixtisasını bitirmiş, 2004-cü ildə isə Marmara Universitetində Məhsul İdarəçiliyi və Marketinq sahəsində magistr dərəcəsi almışdır.

Universitet illərində dənizçilik sahəsində karyerasına başlayan Karadayı, 2001-ci ildə SESTEK şirkətinə qoşulmuşdur. 2007-ci ildə baş tutan mühüm bir birləşmə və 2022-ci ildə SESTEK-in Unifonic tərəfindən satın alınmasından sonra şirkət süni intellekt əsaslı çağrı mərkəzi həlləri sahəsində qlobal liderə çevrilmişdir.

Təxminən 25 illik təcrübəyə sahib olan Serdar Karadayı hal-hazırda SESTEK şirkətinin prezidenti kimi fəaliyyət göstərir və şirkətin qlobal genişlənməsi və innovasiya təşəbbüslərinə rəhbərlik edir. Evli, iki övlad atasıdır və səyahətə və dənizçiliklə bağlı fəaliyyətlərə böyük həvəsi var.

Fidan Tofidi 2023-cü ildə Azərbaycan Respublikasının Mərkəzi Bankına innovasiyalar üzrə məsləhətçi kimi qoşulmuş, 2024-cü ildən etibarən isə yeni yaradılmış Maliyyə Texnologiyaları və İnnovasiyalar Departamentinə rəhbərlik edir.

Onun rəhbərlik etdiyi departament xüsusi tənzimləmə rejimi (Regulatory Sandbox), məhsul tədqiqatı və inkişafı (Açıq Bankçılıq və Paylanılmış KYC platformaları daxil olmaqla), eləcə də fintex ekosisteminin inkişafı və əlaqələndirilməsi istiqamətində fəaliyyət göstərir. Hazırda Fidanın rəhbərliyi ilə bu sahələr üzrə bir sıra strateji layihələr həyata keçirilir və maliyyə texnologiyalarının dövlət siyasətinə inteqrasiyası istiqamətində işlər davam etdirilir.

Mərkəzi Banka qoşulmazdan əvvəl Fidan PAŞA Bankda tərəfdaşlarla əlaqələrin qurulması və innovativ layihələrin idarə olunmasına cavabdeh şəxs kimi fəaliyyət göstərmişdir. Bu müddət ərzində o, maliyyə sektoru ilə texnologiya şirkətləri arasında əməkdaşlığın genişləndirilməsinə və rəqəmsal həllərin bank xidmətlərinə inteqrasiyasına töhfə vermişdir.

Fidanın karyerasında önəmli mərhələlərdən biri də Azercell Telecom şirkətində çalışdığı dövrdə Barama İnnovasiya və Sahibkarlıq Mərkəzində həyata keçirdiyi fəaliyyət olmuşdur. O, Azərbaycanda startap ekosisteminin formalaşmasına dəstək göstərən ilk təşəbbüslərdən birinə rəhbərlik etmiş, innovativ ideyaların təşviqi, texnoloji sahibkarlığın inkişafı və gənc startapçıların dəstəklənməsi istiqamətində mühüm layihələrə imza atmışdır.

10 ildir NBA Technologies İnternational MMC-də işləyir

Elçin Məmmədov peşəkar fəaliyyətini 2010-cu ildə Azərbaycan Respublikasının Qiymətli Kağızlar üzrə Dövlət Komitəsində başlamış, daha sonra mərkəzi depozitar və bir neçə investisiya şirkətlərində çalışaraq kapital bazarının müxtəlif sahələri üzrə geniş təcrübə toplamışdır. Hazırda ölkənin aparıcı investisiya şirkətlərindən biri olan ABB-İnvest İnvestisiya Şirkəti QSC-də Biznesin inkişafı departamentinin direktoru vəzifəsində çalışır və bu vəzifədə Şirkətin strateji planlaşdırması, investisiya xidmətlərininin marketinqi, texnologiyaların tətbiqi və investisiya portfelinin idarə edilməsi sahələri üzrə cavabdehlik daşıyır. O bakalavr təhsilini 2004-2008-ci illərdə Azərbaycan Dövlət İqtisad Universitetinin İnformatika və İdarəetmə fakultəsində, magistr təhsilini isə 2013-2015-ci illərdə Cənubi Koreyanın aparıcı özəl ali təhsil ocağı olan Yonsei Universitetində Beynəlxalq Ticarət və Maliyyə ixtisası üzrə almışdır.

Akif Bağırov hazırda Azərbaycan Respublikasının Mərkəzi Bankında Sədrin müşaviri vəzifəsində çalışır. Onun texnologiya sahəsində 15 ildən çox, bank sektorunda isə 8 ildən artıq informasiya və kibertəhlükəsizlik üzrə ixtisaslaşmış təcrübəsi vardır. O, dəyişkən maliyyə mühitində həm effektiv, həm də praktik olan təhlükəsizlik proqramlarının hazırlanması, tənzimləyici tələblərə uyğunluq, risklərin azaldılması və strateji istiqamətin müəyyən edilməsi sahələrində fəaliyyət göstərir.

2021–2023-cü illər ərzində Akif Bağırov PAŞA Bank ASC-nin Təhlükəsizlik blokuna daxil olan İnformasiya Təhlükəsizliyi Xidmətləri şöbəsinin rəhbəri kimi çalışmış və PCI DSS, NIST və CIS kimi beynəlxalq çərçivələrlə uyğunluğun təmin olunmasına rəhbərlik etmişdir.

Cavid İsayev "Bank CenterCredit" ASC-nin Yığım Mərkəzinə rəhbərlik edir – bu, fiziki şəxslər üçün yığım və investisiya həllərinin inkişafı və genişləndirilməsinə cavabdeh olan strateji bir bölmədir. O, altı əsas biznes sahəsinə və rəqəmsal məhsulların hazırlanması və dəstəklənməsi ilə məşğul olan dörd matris İT komandasına nəzarət edir.

Onun rəhbərliyi altında bank depozitlər və cari hesablar, investisiya məhsulları (o cümlədən investisiya fondları, istiqrazlar və bankın mobil platforması vasitəsilə səhm alqı-satqısı), valyuta və qiymətli metallar üzrə əməliyyatlar, Private Banking, İslam bankçılığı, mərkəzləşdirilmiş satış və paket təkliflər sahələrində layihələr həyata keçirir.

Bundan əvvəl Cavid "Bank CenterCredit"də investisiya biznesinə rəhbərlik etmiş və orada KazMunayGas IPO-su, KEGOC-un SPO-su və Air Astana IPO-su kimi ən iri pərakəndə yerləşdirmələri uğurla işə salmışdır – bunların hamısı bankın mobil tətbiqi vasitəsilə həyata keçirilmişdir.

Onun təcrübəsi rəqəmsal transformasiya, onlayn satış kanallarının effektiv şəkildə qurulması və maliyyə qrupunun daxilində sinergiyanın gücləndirilməsi sahələrini əhatə edir. Cavid İsayev maliyyə bazarları, müştəri xidməti və texnologiyalar sahəsində dərin biliklərə malikdir və Qazaxıstan bank sektorunun transformasiyasında əsas rol oynayır.