FINANCE AND TECHNOLOGIES EXPO- FINTEX ISTANBUL

1960-cı ildə anadan olub.

1978-1983-cü illərdə Daşkənd Dövlət Universitetində tətbiqi riyaziyyat ixtisası üzrə ali təhsil alıb.

1989-cu ildə Daşkənd vilayətinin iqtisadi icra orqanlarında işə başlaması ilə əlaqədar olaraq iqtisadiyyat üzrə də təhsil alıb.

1994-cü ildə Nazirlər Kabinetində işləməyə başlayıb, xarici investisiyalarla əlaqədar xarici şirkətlərlə qarşılıqlı əlaqə və əlaqələndirmə üzrə məsul vəzifələrdə çalışıb.

Dünya iqtisadiyyatı və kapital axınları ilə bağlı daha dərin biliklərə yiyələnmək üçün 1999-cu ildə Vaşinqtonda Corctaun Universitetində makro və mikroiqtisadiyyat kursunu bitirib.

2001-2005-ci illərdə yüksək texnologiyalı kompozit materialların yaradılması layihəsinə rəhbərlik edib.

2006-2016-cı illərdə vençur kapital şirkətində Qazaxıstanda neft hasilatı və pərakəndə satış layihələri üzrə maliyyə məsləhətçisi vəzifəsində çalışıb.

2016-2020-ci illərdə Özbəkistanda neft sənayesi obyektlərinin tikintisi üzrə ixtisaslaşmış ən böyük özəl şirkətdə analitika xidmətinə rəhbərlik edib.

Hazırda Özbəkistan Banklar Assosiasiyasının Beynəlxalq Əlaqələr və İnformasiya Texnologiyaları Departamentinə rəhbərlik edir.

Qazax Milli Texniki Universitetinin məzunu olduqdan sonra (1988) Jambıl Texnologiya Universitetində (Taraz, Qazaxıstan) pedaqoji fəaliyyətlə məşğul olub. Aspirantura təhsilini Moskva Dövlət Kimya Mühəndisliyi Akademiyasının Texniki Kibernetika fakültəsində alıb (Moskva, Rusiya, 1990-1993). Texniki sistemlərin idarə edilməsi mövzusunda namizədlik dissertasiyasını müdafiə edib (1994).

        1994-cü ildən bank sistemində (1994-1997-ci illərdə ölkənin ən iri banklardan biri olan “Kazagroprombank”da baş mütəxəssis, şöbə müdiri, departament direktoru, İdarə Heyəti sədrinin müavini vəzifəsini icra edən) fəaliyyət göstərir.

        2008-2017-ci illərdə Moskvada (Rusiya) “Bank BCC-Moscow” MMC-də Daxili Audit Departamentinin rəhbəri, daha sonra Direktorlar Şurasının üzvü vəzifələrində çalışıb.

        1998-ci ildən Qazaxıstan Respublikası Banklar Assosiasiyasında Qiymətləndiricilər Palatası sədrinin müavini olub, 2002-ci ilin oktyabr ayından isə Assosiasiyanın birinci vitse-prezidenti və Qiymətləndiricilər Palatasının sədri vəzifələrində çalışır.

        İctimai fəaliyyətlə məşğul olmaqla yanaşı, o, maliyyə risklərinin idarə edilməsi problemini, bank işinin rəqəmsal transformasiyası məsələlərini öyrənir. Maliyyə və bankçılıqla bağlı beynəlxalq konfrans və seminarlarda dəfələrlə çıxış edib.

        M.Baytokov Beynəlxalq Bank Şurasının (IBC) üzvü, IBC-nin Ekspert Şurasının sədri, “Qazaxıstan bankları” və “Qazaxıstan qiymətləndiricisi” jurnallarının baş redaktorudur.

         Almaniya Bank Akademiyasında (Frankfurt, Almaniya, 1996-1998) təhsil aldıqdan sonra bankçılıq ixtisası üzrə magistr dərəcəsi alıb. Qazaxıstanın Almatı Bankçılıq Tədris Mərkəzində və Beynəlxalq Biznes Məktəbində bankçılıq ixtisası üzrə pedaqoji fəaliyyətlə məşğuldur.

1977-ci ildə Azərbaycan Dövlət İqtisad Universitetinin “Mühasibat uçotu” fakultəsinə daxil olmuş və 1981-ci ildə “İqtisadçı” ixtisası üzrə tam kursu bitirmişdir. Əmək fəaliyyətini 1981-ci ildən Azərbaycan Respublikası Rabitə Nazirliyində, “Nəzarət-Təftiş” İdarəsində aparıcı mühasib kimi başlamışdır.

1981-1983-cü illərdə Hərbi xidmətdə olmuşdur. Hərbi xidməti  başa vurduqdan sonra 1983-cü ilin iyul ayından etibarən 1989-cu ilin yanvar ayınadək, Azərbaycan Respublikası Rabitə Nazirliyinin “Nəzarət-Təftiş” İdarəsində mühasib-revizor, Baş təftişçi və Baş mühasibin müavini kimi fəaliyyət göstərmişdir. 1989-cu ildən AR Rabitə Nazirliyinin “Rayon Rabitəsi” İstehsalat Birliyinə “Nəzarət və mühasibat uçotu” şöbəsinin rəisi vəzifəsinə təyin edilmişdir.

1993-1998-ci illərdə “Rabitəbank” SKB-nın İdarə Heyətinin Sədri vəzifəsində çalışmışdır və 1998-ci ildən hal-hazıradək “Rabitəbank” ASC-nin Müşahidə Şurasının Sədri vəzifəsində çalışır.

1996-cı ildə “Azərbaycan Banklar Assosiasiyası”nın Prezidenti vəzifəsinə seçilmiş və 2006-cı ilə qədər həmin vəzifədə çalışmışdır. 2006-cı ildən 2015-ci ilədək “Azərbaycan Banklar Assosiasiyası”nın Rəyasət Heyətinin üzvü olmuşdur. 2015-ci ildən yenidən “Azərbaycan Banklar Assosiasiyası”nın Prezidenti vəzifəsinə seçilmişdir.

Alpaslan Çakar, Ankara Universitetinin Siyasi Elmlər və Dövlət İdarəçiliyi Fakültəsini bitirmişdir. 1996-cı ildə Çakar bankımızda Auditor Köməkçisi vəzifəsində çalışmağa başlamışdır. Daha sonra Auditor və Departament Meneceri vəzifələrinə qədər yüksəlmişdir, 2005-ci ildə isə Regional Baş Direktor vəzifəsinə təyin edilmişdir. Alpaslan Çakar müxtəlif illərdə müxtəlif vəzifələrdə çalışmış, 2021-ci ilin martından isə Ziraat Bank-da baş icraçı direktor (CEO) və Rəyasət Heyətinin üzvi olmuşdur. Eyni ildən isə Kredit Komitəsinin sədri vəzifəsində çalışmağa başlamışdır. 2021-ci ilin aprelindən isə Türkiyə Banklar Birliyinin sədridir. 2021-ci ilin may ayından Türkiyənin Varlıq Fondunun Rəyasət Heyətinin üzvidir. 2022-ci ilin fevralından isə Ziraat Katılım Bankının Rəyasət Heyəti sədri vəzifəsini icra etməkdədir. 

Prezident, Türkiyə Cümhuriyyəti Cumhurbaşkanlığı Maliyyə İdarəsi

İcraçı Direktor, Azərbaycan Banklar Assosasiyası

Experienced specialist with a demonstrated history of working in the banking industry. Skilled in Processing, Project Management, Risk Management, Customer Service, Banking, and Business Process Improvement.

Zakir is responsible for BirBank mobile application, including end-to-end management of digital products, service and support. He also plays a key role in the continued development of strategic relationships with International Payment Systems.

Executive Master's degree in Maastricht School of Business and Azerbaijan State Diplomatic Academy (2018), Master's degree in Economic Assessment of Investments at the Azerbaijan State Oil Academy (2012), Bachelor of Management at the Academy of Public Administration under the President of the Republic of Azerbaijan (2008).

1987-ci ildə Azərbaycanda anadan olmuş Namid Abdulov ödəniş sistemləri, layihələrin idarə edilməsi və bankçılıq sahəsində 13 ildən artıq təcrübəyə malikdir. Karyerasına “Yapı Kredi Bank Azərbaycan”da Ödəniş Kartları Bölməsində başlayıb, daha sonra Azərbaycan Dövlət İqtisad Universitetində magistr dərəcəsi və London Biznes Məktəbində İnzibati İdarəetmə ixtisası üzrə təhsil alıb.

Hazırda “Azər Türk Bank” ASC-də Prosessinq Mərkəzinin direktoru vəzifəsində çalışan Namid Abdulov ödəniş sistemləri sahəsində mühüm layihələrə rəhbərlik edib, rəqəmsallaşma üzrə uğurlu təşəbbüslər irəli sürüb. Onun strateji rəhbərliyi altında bank maliyyə sahəsində texnoloji innovasiyalar üzrə ön sıralarda yer alıb.

Dinamik yanaşması və strateji baxışları sayəsində Namid Abdulov ödəniş sistemləri və bankçılıq sahələrinin inkişaf etdirilməsinə sadiqliyi ilə seçilir. O, müxtəlif forumlarda və seminarlarda fəal iştirak etməklə təcrübəsini bölüşür və peşəkar inkişafa öz töhfəsini verir.

Namid Abdulov ödəniş sistemləri sahəsində innovativ tərəqqinin əldə olunmasına çalışır, innovasiyalar və strateji liderlik vasitəsilə bankçılığın gələcəyini formalaşdırmaqda davam edir.

Maliyyə sektorunun müxtəlif sahələrində 15 ildən çox təcrübəyə malik olan Anar Abbasov Azərbaycan Beynəlxalq Bankının Pərakəndə seqment sahəsinin rəhbəridir. O, Aviasiya Akademiyasında İqtisadiyyat və Hüquq fakültəsində bakalavr dərəcəsi və Böyük Britaniyanın Şeffild Universitetində Ümumi İdarəetmə ixtisası üzrə Rəhbərlər üçün MBA dərəcəsi alıb. Anar karyerası boyu müxtəlif mühüm sahələrə, o cümlədən pərakəndə bankçılıq, İT, rəqəmsal bankçılıq, ödəniş və prosessinq sistemləri, həmçinin sığorta sahələrinə rəhbərlik edib.

Hazırkı vəzifəsində Anar strateji rəqəmsallaşma, bankçılıq sahəsində süni intellekt modellərinin tətbiqi və müştəriyönümlü üstün xidmətlərin göstərilməsi vasitəsilə pərakəndə bankçılığın təkmilləşdirilməsinə xüsusi diqqət ayırır.

2018-ci ildən əsas layihələrin idarə edilməsinə və bankın əsas məhsulunun təkmilləşdirilməsinə görə məsul şəxs olub. Əsas diqqəti strateji kart idarəetməsi, ödəniş sistemləri və xərclərin təhlili, o cümlədən anti-Fraud qaydalarına yönəltməklə mütəxəssis kimi inkişaf edib.

Kart biznesində 10 ildən çox təcrübə ilə 2021-ci ildə “Leobank”a qoşulub.

2021-ci ildən etibarən “Leobank”da Ödəniş sistemləri və anti-Fraud istiqamətinin rəhbəri kimi innovativ “Leobank” layihəsinə töhfə verir. Hazırkı vəzifədə beynəlxalq ödəniş sistemlərinin inteqrasiyası, strateji tərəfdaşlıq, analitika və rəqəmsal layihələrə rəhbərlik edir. Eyni zamanda, fırıldaqçılıq hallarının davamlı monitorinqi və qarşısının alınması üçün qabaqcıl anti-Fraud qaydalarının işlənib hazırlanmasına töhfə verir. Bu səyahət mükəmməlliyə sadiqliyi və bu işə müsbət təsir etmək üçün strateji baxışı əks etdirir.

2013 ildə Visa-ya qoşularaq Nurlan bank sektoru, marketinq və biznesin inkişafı, ödəniş kartları sahəsində əldə etdiyi 9 illik təcrübəsini komandamıza gətirdi. Visa-ya gəlməzdən öncə o, DəmirBankda ödəniş kartları şöbəsinin müdiri qismində ödəniş məhsullarının əkvayrinqi, ödəniş kartları riskləri və rəqəmsal kanalların inkişafına cavabdeh idi. DəmirBankdan əvvəl isə o, UniBank-da marketinq və biznesin inkişafı şöbəsinə rəhbərlik edirdi.

2022 ildən etibarən Nurlan Bakıda yerləşərək Visa-da Baş direktor, Azərbaycan üzrə ölkə direktoru vəzifəsində çalışır.

Bu yeni rolda Nurlan Hacıyev Azərbaycan bazarında biznesin inkişafını davam etdirib, yerli komandanın inteqrasiyası və əlaqəli işini təmin edib. Visa-da 9 illik iş təcrübəsi müddətində Nurlan ilk öncə biznes inkişafı meneceri vəzifəsində çalışaraq 6 il ərzində Visa-nı Azərbaycanda təklikdə təmsil etdi və bununla da komandanın cari artımının bünövrəsini qoydu. Bütün bu dövr ərzində Nurlan MDB CŞA komandasının dəyərli üzvü olaraq müştərilərlə güclü əlaqələri qurub, Azərbaycan bazarında biznesin inkişafını, strategiyanın hazırlanması və icrasını istiqamətləndirib. O, Azərbaycan bazarında nişangah və flaqman rolunu oynamış VTS və ApplePay layihələrinin icrasına şəxsən mühüm töhfə verib, Mərkəzi və Şərqi Avropa – Yaxın Şərq – Afrika regionunda ilk B2B Connect layihəsinin və sair müvəffəqiyyətlərin ərsəyə gəlməsində aparıcı rol oynayıb.

Rəqəmsal Bankçılıq şöbəsinin rəhbəri, Ziraat Bank

Qrup rəhbəri, Denizbank

Boğaziçi Universitetində Biznes idarəçiliyi üzrə bakalavr təhsili aldıqdan sonra 2003-cü ildə “Akbank”da daxili auditor kimi peşəkar karyeraya başlayıb. Təxminən 4 il sonra, 2006-cı ildə “Citibank Türkiye”yə keçib və İstehlak Kreditləşməsi Departamentində biznesin rentabelliyi üzrə menecer, daha sonra isə məhsul meneceri kimi çalışıb.

2010-cu ildən “QNB Finansbank”ın İstehlak Bankçılığı Departamentində portfel meneceri vəzifəsində işləməyə başlayıb. 2012-ci ildə onun səlahiyyətləri genişləndirilib və nəticədə o, portfel fəaliyyəti ilə yanaşı istehlak bankçılığı məhsullarının idarə edilməsinə rəhbərlik etməyə başlayıb. 2017-ci ildən etibarən ilyarım ərzində “Fibabanka A.Ş.”də istehlak bankçılığı işinə rəhbərlik edib. 2018-ci ildə Enpara.com komandasına qoşulub və Məhsul/Portfel İdarəetməsi, Analitika, Rəqəmsal Marketinq və Brend Kommunikasiyası komandaları daxil olmaqla Rəqəmsal Bankçılıq Departamentinə rəhbərlik etməyə başlayıb. Bu müddət ərzində o, QNB Qrupunun törəmə şirkətləri üçün, xüsusən Yaxın Şərq və Şimali Afrika regionunda Enpara.com biznes modelini həyata keçirmək məqsədilə transsərhəd layihələrində iştirak edib.

Özge Çelik ödənişlər və maliyyə xidmətləri sahəsində 20 ildən artıq təcrübəyə malikdir. Əmək fəaliyyətinə “Akbank”da başlayıb. 2007-ci ildən etibarən 14 il ərzində BKM – Banklararası Kart Mərkəzində biznesin inkişafı sahəsində müxtəlif vəzifələrdə çalışıb.

Hazırda “Papara”da məhsul idarəetməsi üzrə direktor vəzifəsində işləyir. O və rəhbərlik etdiyi komanda məhsul strategiyasının müəyyən edilməsindən tutmuş məhsul buraxılışlarının təşkilinə qədər məhsulun bütün həyat dövrünə nəzarət edir.

Ödəniş sistemləri və ən son texnologiyalara xüsusi marağı ilə seçilir.

2004-cü ildə Orta Doğu Texniki Universitetinin Siyasi Elmlər və Dövlət İdarəçiliyi Fakültəsini bitirdikdən sonra “Türkiye İş Bankası”nda rəqəmsal bankçılıq üzrə mütəxəssis köməkçisi kimi işləməyə başlayıb. 2006-2007-ci illərdə İtaliyada Bankçılıq və Sahibkarlıq ixtisası üzrə magistr dərəcəsi alıb. “İş Bankası”nda mobil bankçılıq və internet bankçılıq üzrə müxtəlif layihələrdə iştirak edib. 2021-ci ilin avqust ayından “İşCep” və internet filialı kanallarının idarə olunmasına məsul bölmə müdiri vəzifəsində çalışır.

UPT-nin rəqəmsal texnologiyalar üzrə baş direktoru olaraq Aslı Gülen Gündüz şirkətin rəqəmsal inkişaf strategiyasına və UPTION adlanan rəqəmsal məhsulunun yaradılmasına rəhbərlik edir. UPT - 400.000-dən çox xidmət nöqtəsi ilə 176 ölkədə fəaliyyət göstərən Türkiyənin aparıcı beynəlxalq pulköçürmə sistemidir.

20 ildən çox iş təcrübəsinə malik olan Aslı bu müddət ərzində aparıcı maliyyə qurumunda rəqəmsallaşma məsələlərinə və rəqəmsal biznesin böyüməsinə rəhbərlik edib. Hazırda əsas məqsədi UPTION məhsulunun beynəlxalq bazarlara çıxarılmasına nail olmaqdır.

Kompüter mühəndisliyi ixtisası üzrə təhsil almış Aslı müştərilərə göstərilən xidmət səviyyəsini yüksəltmək məqsədilə texnologiyalardan istifadə etməklə və innovasiyalar tətbiq etməklə biznes nəticələri əldə etməyə çalışır.

Executive VP, MEA and Eurasian Directorate Managing Director

Executive Vice President, KKB-Turkish Credit Bureau

Baş Əməliyyat Müdiri, Misyon Yatırım Bankası

1977-ci ildə anadan olan Kadir Mustafa Öztürk İstanbul Texniki Universitetinin məzunudur. 2000-ci ildən etibarən maliyyə texnologiyaları üzrə proqram təminatı təqdim edən şirkətlərin internet-filiallar, mobil bankçılıq, əlaqə mərkəzləri, ATM, rəqəmsal pul kisəsi və rəqəmsal infrastrukturun inkişaf etdirilməsi layihələrində fəal iştirak edib. 22 illik iş təcrübəsinə malik Öztürk 2021-ci ildən “Aktif Banka”da çalışır.

Executive Director, HOLICY Consulting

Serkan Akcan 1976-cı ildə İstanbulda anadan olub. 1988-ci ildə hələ orta məktəbdə oxuyarkən proqramlaşdırma dili kurslarında iştirak edib. Elektronika və kompüter üzrə ali təhsil alan Serkan Akcan artıq tələbə olarkən İT sektorunda işləməyə başlayıb. 2000-ci ildən etibarən kibertəhlükəsizlik sahəsində çalışan Akcan Kibertəhlükəsizlik ixtisası üzrə magistr dərəcəsinə malikdir. 2006-cı ildə “Beyaz Şapka” İnformasiya Təhlükəsizliyi layihəsinin təşəbbüskarı olan Serkan Akcan həmçinin Türkiyədə informasiya təhlükəsizliyi üzrə ilk jurnalın təsisçisi və ilk konfransın təşkilatçısıdır. O, 2005-ci ildə İstanbulda qurulan ilk kibertəhlükəsizlik şirkəti – “Nebula”nın, 2020-ci ildən etibarən isə “Nebula” şirkətinin kibertəhlükəsizlik üzrə proqram təminatları işləyib hazırlayan törəmə şirkəti – “SecHard”ın baş direktorudur. Serkan Akcan korporativ və milli kibertəhlükəsizlik üzrə mütəxəssisləri bir araya gətirən “TR Cybersecurity Alliance” təşkilatının yaradıcısıdır. Evlidir, bir qız atasıdır.

Serdar Murat Öztaner Türkiyə Respublikası Mərkəzi Bankının (TCMB) Ödəniş Sistemləri və Maliyyə Texnologiyaları Departamentinin icraçı direktorudur. O, ödəniş sistemləri sahəsində bir çox tədqiqat işlərində iştirakçısıdır. 2011-2013-cü illər ərzində TCMB-in öz resurslarından istifadə etməklə ödəniş və hesablaşmalar sisteminin restrukturizasiyası və yenilənməsi üzrə həyata keçirdiyi daxili irimiqyaslı layihə də daxil olmaqla, TCMB-in ödəniş sistemləri ilə bağlı çoxşaxəli layihələrdə çalışıb. O, həmçinin 2021-ci ilin yanvarında icrasına başlanılmış FAST layihəsinə töhfə verib. Maliyyə bazarı infrastrukturlarında kiberdayanıqlılıq üzrə BIS/CPMI-IOSCO birgə İşçi Qrupunun üzvü kimi TCMB-ni təmsil edib. Hazırda şəffaf bankçılıq, rəqəmsal valyutalar, paylanmış reyestr texnologiyaları, sürətli ödənişlər və s. kimi “FinTech”dən yeni istifadə variantları üzərində işləyir.

Hazırkı vəzifəsindən əvvəl Öztaner 10 ildən çox İT Departamentinin Ödəniş Sistemləri Bölməsində İT mütəxəssisi kimi çalışıb və burada əsasən iştirakçı sistemləri ilə məşğul olub. 2014-cü ildə Yaxın Şərq Texniki Universitetində İnformatika üzrə fəlsəfə doktoru dərəcəsi alıb.

Ödəniş sistemləri üzrə baş direktor müavini, Türkiyə Respublikası Mərkəzi Bankı

İcraçı vitse-prezident, Garanti Bankası

Baran Aytaş BKM-in baş direktoru və İdarə Heyətinin üzvüdür. Mövcud ödəniş infrastrukturlarının işinə və ekosistemin ehtiyac və tələblərinə uyğun olaraq yeni ödəniş infrastrukturlarının yaradılmasına cavabdehdir. Bundan başqa, o, Türkiyənin milli ödəniş sxemi olan “Troy”un icrasına görə məsul şəxsdir.

BKM-dən əvvəl Baran Aytaş 5 ildən çox Türkiyə Respublikası Mərkəzi Bankında, 6 ildən artıq müddətdə isə müxtəlif “fintech” şirkətlərində fəaliyyət göstərib. Bu müddət ərzində o, proqram təminatı tərtibatçısından menecer və məsləhətçiyə qədər müxtəlif vəzifələrdə ödəniş ekosisteminə töhfə verib.

Baran Aytaş, İzmir Texnologiya və Maliyyə Mühəndisliyi İnstitutunda Kompüter mühəndisliyi ixtisası üzrə təhsil alıb. Bundan başqa, o, Özyeğin Universitetində Risklərin idarə edilməsi ixtisası üzrə bakalavr dərəcəsi alıb.

Baş Direktor, Sipay Elektronik Para ve Ödeme Hizmetleri

Ali Suha Ter, Asiya və Sakit okean ölkələri, həmçinin Türkiyədə qlobal miqyasda risk və nəzarət portfellərinin qurulmasında və idarə olunmasında təxminən 20 illik bankçılıq təcrübəsinə malikdir. Bankçılıq sahəsində fəaliyyətə Türkiyədə “Garanti Bank”ında başlayıb və burada rəqəmsal bankçılıq üzrə təhlükəsizlik və xüsusi layihələr meneceri vəzifəsində çalışıb. 2017-ci ildə “Standard Chartered Bank”da Rəqəmsal Bankçılıq üzrə Qlobal Risk Departamentinə rəhbərlik etmək üçün fəaliyyətini Sinqapurda davam etdirib. 2019-cu ildə o, “Standard Chartered”in yeni nəsil bankı olan “Mox Bank”a qoşulmaq üçün Honkonqa köçüb. Burada o, bankın lisenziyalaşdırılmasından fəaliyyətə başlamasına qədər yol keçib. Hazırda Dubayda fəaliyyət göstərən Ali Suha Ter Yaxın Şərq və Şimali Afrika ölkələrində tənzimlənən rəqəmsal aktivlər üzrə infrastruktur platformalarını təmin edən “Fuze Technology” şirkətində risklər üzrə mütəxəssis vəzifəsində çalışır.

Ahmet Ersoyun transformasiya proqramları, əməliyyat səmərəliliyi, rəqəmsallaşma, sadə metodologiya və proseslərin idarəedilməsi üzrə 15 ildən çoxdur ki, idarəetmə təcrübəsi var. O, 1982-ci ildə İsveçrədə anadan olub. 2004-cü ildə isə “Bilkənd Universitet”nin Biznesin idarəedilməsi fakültəsini bitirib. O, 2005-2007-ci illər arasında Akbank T.A.Ş.-də müvafiq olaraq Lean Transformasiya üzrə vitse-prezident, proseslərin idarəedilməsi və biznesin inkişafı üzrə vitse-prezident vəzifələrində çalışıb. O, bankın rəqəmsal transformasiya proqramına, lean transformasiya layihələrinə və sənədsiz bank proqramına rəhbərlik edib. Ahmet Ersoy 2017-ci ildə Yapı ve Kredi Bankası A.Ş-də proses və proqramların idarəedilməsi üzrə direktoru vəzifəsinə cəlb edilib. Hazırda Yapı Kredi Texnoloji-də proseslərin idarəedilməsi üzrə icraçı vitse-prezident vəzifəsini icar edir. O, son vaxtlar bankda transformasiya proqramı ilə yanaşı, Azərbaycan, Almaniya və Niderlanddakı törəmə şirkətlərdə transformasiya proqramlarına rəhbərlik edir.

Alpaslan Binici 2001-ci ildə İstanbul Universitetini Kompüter Mühəndisliyi ixtisası üzrə başa vuraraq bakalavr dərəcəsi alıb. Daha sonra Sakarya Universitetində Açıq Açar İnfrastrukturu mövzusunda dissertasiya müdafiə edərək Kompüter Mühəndisliyi üzrə magistr dərəcəsi almağa nail olub. Əmək fəaliyyətinə “Siemens Business Services A.Ş”də sistem mühəndisi kimi başlayıb. Daha sonra “E-Güven A.Ş.”də elektron imza, mobil imza və açıq açar infrastrukturu üzrə layihələr idarə edib, konsultasiya və audit xidmətləri göstərib. Karyerası boyunca bir çox seminarlarda iştirak edən Binici CISA, CISM, CISSP və ISO 27001 LA sertifikatlarına malikdir. Hazırda İnformasiya Təhlükəsizliyi Departamentinin rəhbəri vəzifəsində çalışdığı “Şekerbank T.A.Ş.”də informasiya sistemlərinin təhlükəsizliyi, məlumatların idarə edilməsi, identifikasiya məlumatlarının idarə edilməsi və müştəri tranzaksiyalarının təhlükəsizliyinə cavabdehdir.

.

Regional Manager, fraud.com

Vitse prezident, Bank Tənzimləmə və Nəzarət Agentliyi

Gülşah HALICI 1993-cü ildə Hacettepe Universitetinin Kompüter elmləri və mühəndisliyi fakültəsini fərqlənmə diplomu ilə bitirib.

Məzun olduqdan sonra Ankara və İstanbulda fəaliyyət göstərən müxtəlif aparıcı şirkətlərdə proqram mühəndisi, verilənlər bazası administratoru və sistem analitiki qismində bir sıra layihələr həyata keçirib.

2000-ci ildə Bank Tənzimləmə və Nəzarət Agentliyində (BDDK) təcrübəli İT mütəxəssisi kimi işə başlayıb.

Həmin vaxtdan etibarən İnformasiya İdarəetmə Departamentində, Verilənlər Bazası və Proqram təminatı Bölməsində qrup rəhbəri kimi bir sıra layihələr həyata keçirib.

Hazırda BDDK-da İnformasiya Sistemlərinin Uyğunluğu Departamentinin rəhbəri vəzifəsində çalışır.

Erkan “Fibabanka”da rəqəmsal kanallar üzrə İT direktoru vəzifəsində çalışır. İnternet və Mobil Bankçılıq Departamenti, Çağrı Mərkəzi / IVR Texnologiyaları Departamenti, CRM Texnologiyaları Departamenti, Rəqəmsal Təhlükəsizlik Departamenti və Rəqəmsal Sığorta Texnologiyaları Departamentinin fəaliyyətinə cavabdehdir. Bankçılıq rəqəmsal kanallarının rəqəmsal transformasiyası, platforma bankçılığı, “SuperApp”, şəffaf bankçılıq, ödəniş sistemləri və İT transformasiyası üzrə rəhbərlik bacarıqlarına malikdir. 30 ildən çoxdur proqramlaşdırma sahəsində fəaliyyət göstərməklə yanaşı, proqram tərtibatçısı, sistem arxitektoru, həmçinin orta və yuxarı səviyyələrdə rəhbər vəzifələr üzrə 19 illik peşəkar təcrübəyə malikdir. “Fibabanka”dan əvvəl “Ziraat Bank”, “Türkiyə İş Bank/Softtech”, “Meteksan” və “Doğan Holding” şirkətlərində çalışıb. Böyük proqram təminatlarının işlənib hazırlanmasında, İT transformasiya layihələrində və biznes proseslərinin təkmilləşdirilməsində mühüm rol oynayıb. Doğu Akdeniz Universitetində Kompüter Mühəndisliyi ixtisası üzrə bakalavr dərəcəsi, həmçinin Bilgi Universitetində MBA dərəcəsi alıb.

“KPMG Türkiyə”də “Fintech” və Rəqəmsal maliyyə lideri vəzifəsində çalışır. Rəqəmsal Maliyyə İşçi Qrupunun Konsultasiya Şurasının üzvüdür. O, eyni zamanda Maliyyə İnnovasiyaları və Texnologiyaları Assosiasiyasının (FINTR) təsisçisi və vitse-prezidentidir. Sinem Cantürk karyerasına 1996-cı ildə “Yapı Kredi Bank”da başlayıb və 10 il proqram tərtibatı üzrə qrup rəhbəri, tətbiq arxitektoru və layihə meneceri kimi müxtəlif vəzifələrdə çalışıb. Həmin tarixdən etibarən “CobIT”, ISO, SOX, ITIL, CMMI kimi qlobal standartlara və BDDK, Kapital Bazarları Palatası (SPK), İnformasiya Texnologiyaları və Kommunikasiya Qurumu (KGK), İnformasiya Texnologiyaları və Kommunikasiya Qurumu (BTK) kimi yerli tənzimləyici orqanlara əsaslanan informasiya texnologiyaları və proseslərin auditi layihələrinə rəhbərlik etməkdədir. Bundan əlavə, o, əsasən maliyyə sektorunda fəaliyyət göstərən şirkətlər, banklar, maliyyə şirkətləri və e-pul şirkətlərində, kompleks yoxlama layihələrində, “CobIT” və ISO standartlarının tətbiqi, biznesin davamlılığının təhlili, daxili yoxlama mühitinin dəyərləndirilməsi kimi layihələrdə iştirak edib.

1999-cu ildən “Deloitte Türkiyə”də fəaliyyət göstərən Yaman Polat hazırda maliyyə xidmətləri lideri vəzifəsində çalışır.

Bir sıra yerli və transmilli şirkətlərin auditinə rəhbərlik edib. Beynəlxalq Maliyyə Hesabatı Standartları (IFRS) və Türkiyə Maliyyə Hesabatı Standartları (TFRS) çərçivəsində aparılan auditlər və böyük qrupların konsolidasiyası sahəsində 24 ildən artıq təcrübəyə malikdir. O, həmçinin Bank Tənzimləmə və Nəzarət Agentliyinin (BDDK) və Kapital Bazarları Palatasının (SPK) qaydaları ilə bağlı dərin biliyə malikdir.

Törəmə maliyyə alətləri və hedcinq uçotu üzrə ekspert qismində “Deloitte Türkiyə”nin bütün audit qruplarına dəstək verir. O, bank sektorunda kompleks maliyyə yoxlamaları layihələrinə mühüm töhfə verib. Yaman Polat, həmçinin blokçeyn üzrə konsultasiya xidmətləri göstərir.

Türkiyə Müstəqil Auditorlar Assosiasiyasının üzvüdür.

1999-cu ildə Ankara Universitetinin Biznesin idarə edilməsi fakültəsini bitirib.

Abdurrahman is a Director in Business Consulting, focusing on IT Audit and Governance. He is a BRSA Lead Auditor. He has joined EY in 2022 and based in Istanbul office. Before he worked in BRSA from 2005-2022 in the Department of Information Systems Compliance first developed software applications, then managed IT system, network, and security operations then over 10 years engaged in IT audits and cyber event management. He is a Computer Engineer, and he has a CISA certification.

Abdurrahman’s technical skills are primarily in the areas of IT Assurance, GRC, Digital Banking, Financial Technologies, Cyber Resilience, Data Protection and Privacy. Focusing on Banking and Financial Services Abdurrahman supervising institutions for defining gaps whether an acceptable level of IT governance practices for aligning with business strategies exists in an organization, addressing risks for mitigating them, increasing the level of overall compliance for local regulations and international standards. Abdurrahman has delivered a number of IT audits both from supervisory and compliance perspective in Banks, NBFI’s and PSP’s and investigated Cyber events.

2012-ci ildən “PwC”də çalışır. Karyerasına 1986-cı ildə başlayıb, “Turkkablo” və “İnterbank”da proqram təminatı tərtibatçısı, “Demirbank” və “Tekstilbank”da İT meneceri vəzifələrində işləyib. Türkiyədə bir neçə bankda fəaliyyət göstərdikdən sonra 11 il “Deloitte”də partnyor kimi çalışıb. İT və Proseslərə Nəzarət Təminatı, daxili audit və ERP həlləri sahəsində geniş təcrübəyə malikdir. Müxtəlif sahələr üzrə bir sıra texnoloji layihələri, informasiya sistemlərinin tətbiqi layihələrini icrasını həyata keçirib və onlara rəhbərlik edib.

İstanbul Texniki Universitetinin Elektrik-Elektron Mühəndisliyi fakültəsində bakalavr dərəcəsi alıb.

CGEIT, CRISC və CRMA sertifikatlarına malikdir.

Koordinator, Türkiyə Banklar Assosasiyası

Arzu Demir tələblərə və tənzimləmə qaydalarına riayət olunması sahəsində 29 ildən çox təcrübəyə malik olan komplayens üzrə icraçı və biznes partnyordur. Arzu Demir transmilli banklarda komplayens funksiyası üzrə müxtəlif vəzifələrdə iş təcrübəsinə və əməliyyatların funksional idarəetməsi üzrə 21 illik təcrübəyə malikdir. Hazırda “Pasha Bank Türkiye”də Komplayens Departamentinin rəhbəri vəzifəsində çalışır. 

1983-cü ildə anadan olan Feryal Özer ibtidai və orta təhsilini Bursada başa vurub, Ankara Qazi Universitetinin Beynəlxalq Əlaqələr və Dövlət İdarəçiliyi fakültəsini fərqlənmə diplomu ilə bitirib. Özer bankçılıq sahəsində karyerasına “Garanti Bank”ın Xarici Ticarət Departamentində kredit mütəxəssisi kimi başlayıb. Beynəlxalq Maliyyə Məktəbinin sertifikatına malikdir.

Təxminən 10 il “Garanti Bank”da çalışdıqdan sonra əmək fəaliyyətini 2016-cı ildən TSKB-nin Korporativ Tənzimləmələr Departamentində qanunvericilik və komplayens meneceri vəzifəsində davam etdirib. 2021-ci ildə baş menecer vəzifəsinə yüksəlib.

2022-ci ildə “Aktif Yatırım Bankası”nda Komplayens Departamentinin rəhbəri vəzifəsində işə başlayan Özerin bankçılıq sahəsində 16 illik təcrübəsi var. Milli və beynəlxalq sanksiya proseslərində, xüsusilə AML/CTF məsələləri və xarici ticarət qanunvericiliyi üzrə təcrübəyə malik olan Özer bankda xarici ticarət və beynəlxalq sanksiyalar mövzusunda təlimlər keçir. O, həmçinin bank daxilində beynəlxalq sanksiyalar, çirkli pulların yuyulmasının qarşısının alınması və mübarizə, həmçinin biznes etikasına dair konsultasiyalar verir.

Komplayns şöbəsinin rəhbəri, Hayat Finans Katılım Bankası

1983-cü ildə Tokatda anadan olub. 2006-cı ildə Eskişehir Osmanqazi Universitetində bakalavr təhsilini başa vurduqdan sonra peşəkar karyerasına “Ziraat Bankı”nda başlayıb. Bankın filialında 3 il fəaliyyət göstərdikdən sonra 2010-cu ildə Bankın Komplayens Departamentinə risklərin təhlili və qiymətləndirilməsi mütəxəssisi vəzifəsinə təyin edilib. 10 il ərzində komplayenslə bağlı işlər üzrə təcrübə qazandıqdan sonra MASAK-da departament rəhbəri vəzifəsinə təyin edilib və burada 2 il müddətinə fəaliyyət göstərib. Hazırda “Ziraat Bankı”nda maliyyə cinayətləri ilə mübarizə üzrə direktor vəzifəsində çalışır.

Komplays şöbəsinin müdiri, Garanti Bankası

İcraçı direktorun müavini kimi Emre TCMB-nin Türkiyədəki bütün ödəniş və qiymətli kağızlar üzrə hesablaşma sistemləri, ödəniş xidmətləri və elektron pul institutları üçün nəzarət və tənzimləmə funksiyalarına cavabdehdir. O, həmçinin TCMB-nin Türkiyənin maliyyə bazarı infrastrukturu ilə bağlı digər aidiyyəti orqanlarla kooperativ fəaliyyətində iştirak edir.

TCMB daxilində ödənişlər sahəsi üzrə 18 illik təcrübəyə malikdir. Bu müddət ərzində bir neçə il ödəniş sistemləri üzrə müxtəlif vəzifələrdə çalışıb. O, bir sıra beynəlxalq təşkilatlarda və CPMI İşçi Qrupunun iclaslarında TCMB-ni təmsil edib. 2017-ci ilin əvvəlindən etibarən CPMI-nin əsas komitə iclaslarında TCMB-ni təmsil edir.

Boğaziçi Universitetinin Kompüter Mühəndisliyi proqramını bitirdikdən və Ankara Universitetinin Hüquq fakültəsinin məzunu olduqdan sonra London Kraliça Meri Universitetində Kompüter və Kommunikasiyalar Hüququ üzrə magistr dərəcəsi alıb.

2005-ci ildə Bank Tənzimləmə və Nəzarət Agentliyində (BDDK) işə başladığı andan 2019-cu ilin sonunda Tənzimləmələr Departamentinin müdiri vəzifəsinə təyin olunana qədər banklarda bir çox İT auditi fəaliyyətlərində iştirak edib, həmçinin BDDK-nın bütün informasiya sistemləri ilə bağlı qaydaları, o cümlədən elektron bankçılıq qaydalarının və ödəniş xidmətlərinin göstərilməsi qaydalarının hazırlanmasına öz töhfəsini verib.

BDDK-da Tənzimləmələr Departamentinin rəhbəri vəzifəsində işlədiyi müddətdə o, “Rəqəmsal (filialsız) bankların fəaliyyət prinsipləri və Xidmət kimi bankçılıq modeli haqqında Əsasnamə”nin həyata keçirilməsini təmin edib.

O, 2022-ci ilin əvvəlində BDDK-nın sədr müavini vəzifəsinə təyin edilib və burada 17 illik fəaliyyət göstərdikdən sonra 2023-cü ilin yanvar ayında bu vəzifəni və BDDK-nı könüllü olaraq tərk edib.

O, təsisçisi olduğu konsultasiya şirkəti vasitəsilə konsultasiya xidmətləri göstərməklə bilik və təcrübəsini maliyyə və “fintech” sektoruna ötürməyə davam edir. Hazırda aktivlərin idarə olunması şirkətində və maliyyə şirkətində İdarə Heyətinin Üzvüdür.

Baş direktorun köməkçisi, Misyon Yatırım Bankı

İdarə Heyətinin üzvü - Türkiyə Ödəniş və Elektron Pul Qurumları Birliyi; Baş menecer - AkÖde

1977-ci il təvəllüdlü Erkut Baloğlu Boğaziçi Universitetinin Sənaye Mühəndisliyi fakültəsini bitirib. O, həmçinin maliyyə mühəndisliyi üzrə magistr dərəcəsinə və Bankçılıq üzrə fəlsəfə doktoru (PhD) dərəcəsinə malikdir. 2000-ci ildən müxtəlif maliyyə institutlarında texnologiya, əməliyyatlar, layihələrin idarə edilməsi, müştəri xidmətləri, müştəri təcrübəsi və proseslərin idarə edilməsi komandalarına rəhbərlik edib. O, həmçinin müxtəlif bankların rəqəmsallaşma proqramlarında fəal iştirak edib. Baloğlu 2023-cü ildən “Aktif Banka”da fəaliyyət göstərir.

İnnovasiyalar şöbəsinin müdiri, İş Bankı

Onur Kartal informasiya texnologiyaları sahəsində tanınmış şəxsdir. O, bu sahədə 10 ildən artıq təcrübəyə malikdir. Sektor üçün yeni standartlar müəyyən edən bir neçə inqilabi layihənin həyata keçirilməsində aparıcı rol oynayıb. Hazırda “KOBIL Technologies”də müştərilərlə iş üzrə direktor vəzifəsində çalışan Onur şirkətin Avropa, Yaxın Şərq və Afrika regionunda fəaliyyətinin genişləndirilməsinə və kommersiya əməliyyatlarının aparılmasına cavabdehdir. Zəngin təcrübəsi sayəsində Onur Kartal bu sahə üzrə keçirilən tədbirlərdə arzuolunan məruzəçidir. O, bu tədbirlərdə maliyyə texnologiyaları dünyasındakı ən son tendensiyalar və qabaqcıl təcrübələr haqqında fikirlərini bölüşür.

Koordinator, Türkiyə Banklar Assosasiyası

2007-ci ildə Sertifikatlı Mühasib (SMMM) kimi təcrübə keçdikdən sonra bank fəaliyyətinə başlayan Hayri Türkmen, əvvəlcə maliyyə nəzarəti və mühasibatlıq üzrə, daha sonra isə maliyyə qurumlarında çalışıb.

2016-cı ildə “Yapı ve Kredi Bankası A.Ş.”də risklərin idarə edilməsi üzrə işə başlayıb. 2016-2018-ci illərdə o, IFRS-9-a keçid layihəsinə rəhbərlik edib və bankın bu standarta uğurla keçid etməsinə töhfə verib.

2018-2019-cu illərdə bankda büdcə, ISEDES və Gözlənilən kredit itkisi (ECL) proseslərinə cavabdeh direktor vəzifəsində çalışıb. Həmin dövrdə, Avropa Bank Təşkilatı (EBA) və Avropa Mərkəzi Bankı (ECB) tərəfindən hazırlanmış yeni bank qaydaları ilə bağlı layihələrə və pilot proqramlara dəstək verib. Bu layihələr sırasında “Kreditlərin verilməsi və monitorinqi”, “AnaCredit”, BCBS-239, “Problemli öhdəliklər” (NPE) və “Qrup şəklində cəlb edilmiş müştərilər” layihələrini göstərmək olar. Türkiyədə yerli qaydalara uyğunluğu təmin etmək məqsədilə bu layihələrin icrası hələ də davam etdirilir.

2019-cu ildə Milanda yerləşən “Unicredit Spa”da fəaliyyətə başlayıb. Burada o, Aİ ölkələrinin bankları tərəfindən istifadə edilən defolt təriflərini standartlaşdırmaq üçün icrasına start verilən “Defoltun yeni tərifi – vahid defolt” layihəsinə rəhbərlik edib. Layihə müddətində o, ümumilikdə 7 ölkədə uyğunluq və inkişafa cavabdeh olan layihə meneceri vəzifəsində çalışıb.

Layihə başa çatdıqdan sonra “Yapı ve Kredi Bankası A.Ş.”də kredit riski siyasətləri və idarəetmə meneceri vəzifəsinin icrasına başlayıb. Hazırda eyni vəzifədə çalışan Hayri Türkmen maliyyə sektorunda iqlim risklərinin tətbiqi və davamlılıq ilə bağlı müxtəlif təşəbbüslərə dəstək verir.

Hayri Türkmen Aİ Taksonomiyası, Beynəlxalq Davamlılıq və İqlim Risk Standartları (IFRS-S1 və IFRS-S2), Aİ Emissiya Ticarət Sistemi (ETS), Karbon Sərhədlərinin Tənzimlənməsi Mexanizmi (CBAM), İqlim dəyişikliyinin makrotəsirləri, Fiziki və keçid riskləri, Keçid planları, Eko-piar (qrinvoşinq), Yaşıl aktivlərin əmsalı (YVO-GAR), həmçinin dayanıqlı maliyyə və borc alətləri də daxil olmaqla bir neçə sahə üzrə ekspertdir. O, Türkiyə Banklar Birliyi yanında Dayanıqlılıq üzrə İşçi Qrupunun, Türkiyə Ekologiya, Şəhərsalma və İqlim Dəyişikliyi Nazirliyi yanında Milli Taksonomiya üzrə Texniki İşçi Qrupunun və Milli İnkişaf Planının İxtisaslaşdırılmış Komissiyasının tərkibində fəal iştirak edir.

İşə Qəbul, Təşkilat, Performans və İstedadların İdarə Edilməsi üzrə Direktor, QNB Finansbank

Süni İntellekt və Açıq Bankçılıq Texnologiyaları üzrə vitse-prezident, Akbank

Over 8 years of experience in digital marketing with a focus on mobile marketing for fintech companies and banks. 

     He began his journey as a student at the Ukrainian Academy of Banking in 2001, dreaming of working in an international company in the field of marketing. Twenty-one years later, he turned this dream into a thriving global marketing agency with clients in North Asia and Europe. He conducts consultations on marketing development for fintech companies and participates in leading international fintech conferences.

In 2015, he started his career in digital marketing with various online projects.

Since 2018, he has been part of the digital team of Moneyveo, an online lending company in Ukraine, as a digital marketer. Together with the team, he led the company to market leadership in terms of online product sales. He also contributed much to becoming "The Best Marketing Team in Ukraine in Fintech" based on the evaluations received from advertisers (brands) within the 2019 Effie Awards Ukraine.

In 2019, he completed the Digital Marketing Manager program at the Digital Marketing Institute in Dublin, Ireland.

In 2021, at Moneyveo.ua, he was awarded the "Best Employee 2021. Moneyveo Disrupt" for his contribution to developing innovations in the company and breakthrough ideas in digital marketing and business promotion in Vietnam.

In 2022, he co-founded the international marketing agency Bandera Agency, with headquarters in London, represented in Ukraine, Turkey, and Canada.

The company’s approach is to integrate into the client's business for 6 to 24 months to transform the digital marketing function and turn the client's company into a market leader. The agency’s experience covers such markets as Ukraine, Georgia, Uzbekistan, the Philippines, Vietnam, and Romania.